Садовая вуліца — адна з цэнтральных вуліц Санкт-Пецярбурга. Праходзіць праз гістарычны цэнтр горада ад 1-га Садовага моста цераз Мойку паблізу Марсавага поля да месца злучэння канала Грыбаедава і Фантанкі па тэрыторыі двух астравоў дэльты Нявы: Спаскага і Пакроўскага. У створы вуліцы праз Крукаў канал перакінуты Стара-Мікольскі мост. Участак ад Мойкі да Гарохавай вуліцы адносіцца да Цэнтральнага раёна горада, а астатняя частка — да Адміралцейскага. Працягласць вуліцы — 4376 м, шырыня праезжай часткі — каля 8 м, а адлегласць паміж дамамі дасягае 18 м.